“ჩვენ ძალიან კარგად გვახსოვს ქალბატონი ლორა, რომელიც ისეთ არასამთავრობო ორგანიზაციას ხელმძღვანელობდა საქართველოში (და საიდანაც ფინანსდებოდა), ამერიკაში ის ორგანიზაცია გააუქმა აშშ-ის პრეზიდენტმა იმ მიზეზით, რომ USAID-ი ხელს უშლიდა სხვა ქვეყნებში ეროვნულ განვითარებებს და პირიქით – ერეოდა შიდა პოლიტიკაში”, – ამის შესახებ “ხალხის ძალის” წევრი, გურამ მაჭარაშვილი აცხადებს.
“ამას გარდა, სამწუხაროდ, ქალბატონი ლორა გამოირჩევა ზიზღით საქართველოსთან მიმართებით. ასე რომ, ის თუ სადმე რაიმე ცუდ სიტყვას იტყვის საქართველოსთან დაკავშირებით, ეს იმას ნიშნავს, რომ საქართველო კარგად ვითარდება. ეს ის ადამიანია, რომელიც ომს უსურვებდა საქართველოს და ეუბნებოდა, რომ რუსეთთან შესულიყო კონფლიქტში საქართველო იმ იმედით, რომ დაეხმარებოდნენ პარტნიორები, ოღონდ როგორ დაეხმარებოდნენ, არ ეუბნებოდა. ასე რომ, ჰელსინკის კომისიაში კი არა, სადაც არ უნდა გამოვიდეს ქალბატონი ლორა, მისი სიტყვა გაუფასურებულია, გამომდინარე იქიდან, რომ ის არის მტრულად განწყობილი საქართველოს მიმართ”, – აცხადებს გურამ მაჭარაშვილი.
ცნობისთვის, 28 იანვარს ჰელსინკის კომისია საქართველოზე იმსჯელებს, – განცხადება “ჰელ კომმა” საკუთარ გვერდზე უკვე გაავრცელა.
ერთ-ერთი მომხსენებელია საქართველოში NDI-ის მისიის ყოფილი ხელმძღვანელი, ლორა თორნტონი.