კოლუმბიის პრეზიდენტმა, გუსტავო პეტრომ აშშ-ს მოუწოდა, დააბრუნონ ნიკოლას მადურო, რათა მან პასუხი აგოს ვენესუელის მართლმსაჯულების წინაშე.
პეტრომ გააკრიტიკა აშშ-ის მიერ 3 იანვარს კარაკასში ჩატარებული სამხედრო ოპერაცია, რომელიც მადუროს დაკავებით დასრულდა.
„მათ ის უნდა დააბრუნონ, რათა იგი ვენესუელის და არა ამერიკულმა სასამართლომ განსაჯოს“, – განაცხადა პრეზიდენტმა ბოგოტაში გამართულ ღონისძიებაზე.
ეს განცხადება გაკეთდა რამდენიმე დღით ადრე პეტროსა და მის ამერიკელ კოლეგას შორის დაგეგმილ შეხვედრამდე, რომელიც 3 თებერვალს თეთრ სახლში უნდა გაიმართოს.
მანამდე, ტრამპმა კოლუმბიას ნარკოტიკებთან ბრძოლაში მოკავშირის სტატუსი გაუუქმა, რადგან აშშ-ში კოკაინის ტრაფიკის შესაჩერებლად გაწეული ძალისხმევა არასაკმარისად მიიჩნია. გარდა ამისა, მან პეტროსა და მისი გარემოცვის წევრებს ვიზები გაუუქმა და სხვა სანქციებიც დააწესა.