რასაც დღეს ვხედავთ, ამის მიხედვითაც კი არსებობს გარკვეული სივრცე, რომ ფასები დარეგულირდეს, თუმცა საპარლამენტო კომისიაში გაცილებით კარგად შევისწავლით ამ საკითხებს, – განუცხადა „ქრონიკას“ „ხალხის ძალის“ აღმასრულებელმა მდივანმა გურამ მაჭარაშვილმა.
დეპუტატი გამოეხმაურა იმ ფაქტს, რომ პარლამენტში, სასურსათო პროდუქტის, მედიკამენტებისა და საწვავის ფასების რეგულირებასთან დაკავშირებით, სპეციალური კომისია იქმნება.
„რასაც დღეს ვხედავთ, ამის მიხედვითაც კი არსებობს გარკვეული სივრცე, რომ ფასები დარეგულირდეს, თუმცა საპარლამენტო კომისიაში გაცილებით კარგად შევისწავლით ამ საკითხებს. გვექნება ბიზნესთან და სხვადასხვა პირთან ურთიერთობა, გამოკითხვები და დარწმუნებული ვარ, რომ ეს სივრცე კიდევ უფრო გაიზრდება. შეიძლება თავად ბიზნესმაც კი შემოგვთავაზოს ასეთი პროცედურების შემდგომ, რაზე შეიძლება დარეგულირდეს ფასები“, – აღნიშნა მაჭარაშვილმა.