აშშ-ის არმიაში გენერლებისა და ადმირალების რაოდენობას 20 პროცენტით შეამცირებენ, – ამის შესახებ აშშ-ის ომის მდივანმა, პიტ ჰეგსეთმა განაცხადა.
ჰეგსეთმა თქვა, რომ სამხედრო უწყებებს დაავალა, გაეორმაგებინათ გასულ გაზაფხულზე გაცემული განკარგულება ადმირალებისა და გენერლების დაახლოებით 800 თანამდებობის ათი პროცენტით შემცირების შესახებ და ეს მაჩვენებელი 20 პროცენტამდე გაეზარდათ. აღნიშნული პროცესი 2027 წლის პირველ იანვრამდე უნდა დასრულდეს.
ჰეგსეთის თქმით, პენტაგონი ასევე წამოიწყებს ომის წარმოების მომავლის შესწავლის პროცესს, რომელსაც ნაწილობრივ უხელმძღვანელებენ SpaceX-ის აღმასრულებელი დირექტორი ილონ მასკი და წარმომადგენელთა პალატის რესპუბლიკელი სპიკერი ნიუტ გინგრიჩი. თავდაცვის დეპარტამენტი შექმნის რელიგიურ საქმეთა სამსახურს და გეგმავს ახალი ბაზის აშენებას, რაც ბოლო 40 წლის განმავლობაში პირველად მოხდება.
პენტაგონის ხელმძღვანელმა გამოაცხადა ოთხვარსკვლავიანი სარდლობის შექმნის განზრახვა, რომელიც გაუწევს ზედამხედველობას ავტონომიური და რობოტული შესაძლებლობების დანერგვას პროცესში, რომელსაც მან „თანამედროვე სამხედრო ისტორიაში მშვიდობიან პერიოდში განხორციელებული ყველაზე სწრაფი ცვლილება“ უწოდა.