არც გვაქვს მოლოდინი, რომ [ბრიუსელიდან] რაიმე ტიპის განცხადებას გააკეთებენ, ვინაიდან სამწუხაროდ მათი დღის წესრიგი არის, რომ საქართველოში წაახალისონ რადიკალიზმი და ხელი შეუწყონ პოლარიზაციის გაღვივებას საზოგადოებაში, – განაცხადა „ქრონიკასთან“ საპარლამენტო ფრაქცია „ქართული ოცნების“ თავმჯდომარის პირველმა მოადგილე ლევან მაჭავარიანმა.
დეპუტატი გამოეხმაურა პარლამენტის თავმჯდომარის შალვა პაპუაშვილის განცხადებას, რომ ოთხი თვე გავიდა საქართველოს პრეზიდენტის სასახლეზე განხორციელებული ძალადობრივი შტურმიდან და ამ დროის განმავლობაში უკვე ნათელი გახდა ერთი რამ – ბრიუსელი პრეზიდენტის სასახლეზე თავდასხმას არც დაგმობს და არც გაემიჯნება.
„არც გვაქვს მოლოდინი, რომ [ბრიუსელიდან] რაიმე ტიპის განცხადებას გააკეთებენ, ვინაიდან სამწუხაროდ მათი დღის წესრიგი არის, რომ საქართველოში წაახალისონ რადიკალიზმი და ხელი შეუწყონ პოლარიზაციის გაღვივებას საზოგადოებაში. მათ უნდა გაეკეთებინათ განცხადება, მინიმუმ გამიჯვნოდნენ ამ ყველაფერს, მარტივად უნდა ეთქვათ, რომ ეს ყველაფერი იყო არაევროპული, მაგრამ ვხედავთ დუმილს, რომელიც ამ ყველაფრის წახალისებაა“, – აღნიშნა მაჭავარიანმა.