საქართველო რომ სწორ პოლიტიკას ახორციელებს დაკავშირებადობისა და შუა დერეფნის როლში, ზოგიერთი ბიუროკრატისთვის მხოლოდ ახლა ხდება ცნობილი, – განაცხადა განათლების, მეცნიერებისა და ახალგაზრდულ საქმეთა კომიტეტის თავმჯდომარემ მარიამ ლაშხმა.
დეპუტატმა კომენტარი გააკეთა ევროკომისიის ანგარიშთან დაკავშირებით.
„მიუხედავად ამისა, ხელისუფლება აგრძელებს საქართველოს, როგორც შუა დერეფნის როლის განვითარებას და ყველა იმ სტრატეგიული მნიშვნელობის პროექტის მაქსიმალურად ეფექტიანად აღსრულებას, რომელზედაც საუბარი არის ამ ანგარიშში“, – აღნიშნა ლაშხმა.
ევროკომისიისთვის საქართველო „შუა დერეფანია – „კარიბჭე“ და რეგიონული ენერგეტიკული, თუ ციფრული ჰაბი – ევროკომისიამ მეტა კვლევის დოკუმენტი გამოაქვეყნა, რომელიც რამდენიმე პუნქტისგან შედგება. ხაზგასმულია, რომ საქართველო ევროკავშირისთვის ცენტრალურ აზიასთან დამაკავშირებელი გზაა. როგორც დოკუმენტშია აღნიშნული, ქვეყნის ევროპულ სტანდარტებთან თავსებადობა ევროპის ეკონომიკურ უსაფრთხოებაზე პირდაპირ აისახება.