აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე ქალ მეცნიერებს მეცნიერ ქალთა და გოგონათა საერთაშორისო დღეს ულოცავს და ამასთან დაკავშირებით საკუთარ ფეისბუქის გვერდზე წერს.
„ქალ მეცნიერებს ვულოცავ მეცნიერ ქალთა და გოგონათა საერთაშორისო დღეს!
ეს დღე კიდევ ერთხელ გვახსენებს, თუ რამდენად მნიშვნელოვანია ქალთა როლი თანამედროვე სამეცნიერო მიღწევებსა და ინოვაციებში, ასევე ქვეყნის პროგრესსა და საზოგადოების ინტელექტუალურ გაძლიერებაში.
დღეს, როდესაც აფხაზეთში მიმდინარეობს ისტორიის გადაწერისა და მიზანმიმართული გაყალბების მცდელობები, განსაკუთრებულ მნიშვნელობას იძენს მეცნიერების ხმა და ამ პროცესში, ქალ მეცნიერთა აქტიური ჩართულობა.
საამაყოა, რომ გვყავს ქალი მეცნიერები, რომლებმაც საკუთარი სამეცნიერო საქმიანობა ქართულ-აფხაზური, მრავალსაუკუნოვანი ურთიერთობების ავთენტურობის კვლევას მიუძღვნეს, ქმნიან უნიკალურ სამეცნიერო პუბლიკაციებს და ამ გზით საკუთარი წვლილი შეაქვთ ნდობის აღდგენის პროცესში!“, – წერს გიორგი ჯინჭარაძე.