მიუნხენის კონფერენციაზე ვოლოდიმირ ზელენსკის განცხადებას სოციალურ ქსელში უნგრეთის პრემიერ-მინისტრი გამოეხმაურა. როგორც ვიქტორ ორბანი წერს, უკრაინის პრეზიდენტმა თავისი გამოსვლით კიდევ ერთხელ დაანახა უნგრელებს რეალობა და აღნიშნა, რომ უკრაინა ევროკავშრის წევრი ვერ გახდება.
„პატივცემულო ვოლოდიმირ ზელენსკი, მადლობა ევროკავშირში გაწევრიანების მხარდამჭერი კიდევ ერთი წინასაარჩევნო გამოსვლისთვის. ეს უნგრელებს დაეხმარება სიტუაცია კიდევ უფრო ნათლად დაინახონ, თუმცა თქვენ რაღაც არასწორად გესმით: ეს დისკუსია არც ჩემზე და არც თქვენზეა. საქმე უნგრეთის, უკრაინის და ევროპის მომავალს ეხება. სწორედ ამიტომ ვერ გახდებით ევროკავშირის წევრი“, – წერს ორბანი.
ზელენსკიმ კონფერენციაზე სიტყვით გამოსვლისას ასევე აღნიშნა, რომ ევროპის უსაფრთხოების გასაძლიერებლად პოლონეთი და ბალტიის პირეთის ქვეყნები ყველაფერს აკეთებენ და ერთადერთი, ვინც ამ საკითხზე არ ზრუნავს, უნგრეთის პრემიერია.