აზერბაიჯანის თავდაცვის სამინისტრომ სპეციალური განცხადება გაავრცელა, სადაც აღნიშნულია, რომ ნახიჩევანის რეგიონზე დრონებით თავდასხმაზე სრული პასუხისმგებლობა ეკისრება ირანის ისლამურ რესპუბლიკას.
„მომხდარზე პასუხისმგებლობა სრულად ეკისრება ირანის ისლამურ რესპუბლიკას. აზერბაიჯანი, თავის მხრივ, ამზადებს ყველა საჭირო საპასუხო ზომას ქვეყნის ტერიტორიული მთლიანობისა და სუვერენიტეტის, აგრეთვე მშვიდობიანი მოქალაქეებისა და ინფრასტრუქტურული ობიექტების დასაცავად“, – აღნიშნულია აზერბაიჯანის თავდაცვის სამინისტროს მიერ გავრცელებულ განცხადებაში.
აზერბაიჯანულმა მხარემ კიდევ ერთხელ დაგმო მომხდარი და აღნიშნა, რომ ირანის შეიარაღებულმა ძალებმა აღნიშნული ყოველგვარი სამხედრო საჭიროებების გარეშე ჩაიდინეს.
აზერბაიჯანის თავდაცვის სამინისტროს ინფორმაციით, ჩამოვარდნილი უპილოტო საფრენი აპარატების ნაწილებს ექსპერტიზა უტარდებათ.
მედიის ცნობით, ცოტა ხნის წინ ირანმა აზერბაიჯანის ნახიჩევანის რეგიონში მდებარე აეროპორტს უპილოტო საფრენი აპარატებით შეუტია.