“გაერო ლიბანსა და ისრაელს შორის ცეცხლის შეწყვეტას მიესალმება”

გაერო-ს გენერალური მდივნის პრესსპიკერის, სტეფან დუჟარიკის თქმით, გაერო ყოველთვის აცხადებდა, რომ ამ კონფლიქტის სამხედრო გადაწყვეტა არ არსებობს.

„რა თქმა უნდა, ჩვენ ვიცით პრეზიდენტ ტრამპის მიერ ლიბანსა და ისრაელს შორის ცეცხლის შეწყვეტის შესახებ გაკეთებული განცხადებების შესახებ. ახლახან ვესაუბრე გენერალურ მდივანს, რომელმაც თქვა, რომ, ცხადია, ჩვენ მივესალმებით ნაბიჯებს, რომლებიც დაასრულებს საომარ მოქმედებებს და ტანჯვას ორივე მხარეს“, – განაცხადა გაერო-ს გენერალური მდივნის პრესსპიკერმა, სტეფან დუჟარიკმა.

როგორც დუჟარიკმა აღნიშნა, ამ კონფლიქტის შედეგად ლიბანის ხალხი ძალიან დაზარალდა.

„ვფიქრობ, ლიბანის ხალხი ძალიან დაზარალდა. ყოველდღიურად ვაკვირდებით ამ კონფლიქტის შედეგებს – ასეთ მოკლე დროში 1.3 მილიონზე მეტი ადამიანი იძულებით გადაადგილდა. ეს რიცხვები განსაცვიფრებელია. ჩრდილოეთ ისრაელის მოსახლეობაც იმსახურებს მშვიდობიან ცხოვრებას. ვიმედოვნებთ, რომ ყველა დაიცავს ცეცხლის შეწყვეტის შეთანხმებას“, – განაცხადა დუჟარიკმა.