საქართველოს კულტურის სამინისტრო ბალერინას და პედაგოგის, ჩუქურთმა გუდიაშვილის გარდაცვალების გამო მწუხარებას გამოთქვამს.
კულტურის სამინისტრო სამძიმარს უცხადებს ოჯახსა და ახლობლებს.
„ქალბატონმა ჩუქურთმამ, როგორც ბალერინამ და პედაგოგმა, დიდი წვლილი შეიტანა ქართული კულტურის განვითარებაში. ის იყო ლადო გუდიაშვილის შვილი და ცნობილი საოპერო რეჟისორის, გურამ მელივას მეუღლე – ქართული კულტურისთვის მნიშვნელოვანი ოჯახის ღირსეული წარმომადგენელი“, – აღნიშნულია კულტურის სამინისტროს სამძიმრის წერილში.
ბალერინა და პედაგოგი ჩუქურთმა გუდიაშვილი 92 წლის ასაკში გარდაიცვალა.
კომენტარები