აშშ-ის პრეზიდენტმა დონალდ ტრამპმა განაცხადა, რომ უკრაინამ სამხედრო მარცხი განიცადა. თუმცა, სამხედრო დამარცხებაზე საუბრისას მან, შესაძლოა, უკრაინა და ირანი ერთმანეთში აურია.
უკრაინის საზოგადოებრივი მაუწყებლის (Suspilne-ს) კორესპონდენტის ცნობით, ეს განცხადება ტრამპმა, რუსეთის ლიდერ ვლადიმერ პუტინთან სატელეფონო საუბრის შემდეგ, ჟურნალისტებთან საუბრის დროს გააკეთა.
მედიის წარმომადგენლებმა აშშ-ის პრეზიდენტს ჰკითხეს, სად უფრო ადრე დასრულდებოდა ომი – უკრაინაში თუ ირანში.
„რომელი ომი დასრულდება უფრო ადრე? არ ვიცი. შესაძლოა, ისინი ერთნაირი გრაფიკით მიდიან. ვფიქრობ, უკრაინა, სამხედრო თვალსაზრისით, დამარცხდა. ხომ გასაგებია? დაიმახსოვრეთ ეს, „ფეიკ ნიუსების“ კითხვით ამას ვერ გაიგებთ. მაგრამ სამხედრო თვალსაზრისით… შეხედეთ, ეს მათი ფლოტია. მათ 159 გემი ჰყავდათ. ახლა ყველა ეს ხომალდი წყალქვეშაა. ეს, როგორც წესი, ძალიან კარგია“, – განაცხადა ტრამპმა.
ჟურნალისტების კითხვებზე ტრამპის პასუხის კონტექსტიდან გამომდინარე, სამხედრო დამარცხებაზე საუბრისას მან, სავარაუდოდ, უკრაინა და ირანი ერთმანეთში აურია.
აშშ-ის პრეზიდენტმა ასევე აღნიშნა, რომ პუტინთან ხანგრძლივი საუბარი ჰქონდა და მას „მოკლე ვადით ცეცხლის შეწყვეტა“ შესთავაზა. ტრამპის თქმით, პუტინმა „შესაძლოა ეს წინადადება მიიღოს“ და „ამასთან დაკავშირებით რაიმე გამოაცხადოს“.
ტრამპმა ასევე აღნიშნა, რომ, მისი აზრით, პუტინი დიდი ხანია მზად იყო შეთანხმებისთვის, მაგრამ „ზოგიერთმა ადამიანმა მას გარიგების დადება გაურთულა“.
https://suspilne.media/1301661-tramp-zaaviv-so-ukraina-zaznala-porazki-u-vijskovomu-plani/