ფილიპინებზე, დედაქალაქ მანილას ჩრდილოეთით, 9-სართულიანი შენობა დაინგრა. არსებული ინფორმაციით, დაღუპულია ერთი ადამიანი. მაშველები შენობაში მყოფ კიდევ 21 ადამიანს ეძებენ, – ამის შესახებ Reuters-ი წერს.
სამძებრო სამუშაოებში გაწვრთნილ ძაღლებსა და სპეციალურ დეტექტორებს იყენებენ.
ადგილობრივი ხელისუფლების ცნობით, დაღუპულია 65 წლის ადამიანი – მალაიზიის მოქალაქე. როგორც მედია წერს, ის მეზობელ შენობაში, იმ სასტუმროში იმყოფებოდა, რომელიც მრავალსართულიანი შენობის ნგრევამ დააზიანა.
მიმდინარეობს გამოძიება ნგრევის მიზეზის დასადგენად.
კომენტარები