ირანის ისლამური რევოლუციის გუშაგთა კორპუსის განცხადებით, მათმა ძალებმა ამერიკული ავიაბაზა დაბომბეს. ინფორმაციას Al Jazeera ავრცელებს.
როგორც ისლამური რევოლუციის გუშაგთა კორპუსში განაცხადეს, ეს იყო მათი პასუხი ამერიკელების მიერ ირანის ბანდარ-აბასის პორტის დაბომბვაზე.
ირანული მხარის მტკიცებით, დაბომბილი ავიაბაზა ამერიკელების მიერ ირანის წინააღმდეგ აგრესიის განსახორციელებლად გამოიყენებოდა.
ჯერჯერობით უცნობია, თუ რომელი ამერიკული ავიაბაზა დაიბომბა და რომელ ქვეყანაში მდებარეობდა ის.
ისლამური რევოლუციის გუშაგთა კორპუსის ცნობით, „არცერთი აგრესია უპასუხოდ არ დარჩება“, ხოლო მომავალში განხორციელებულ სამხედრო მოქმედებებს „უფრო მტკიცე“ პასუხი გაეცემა.
კომენტარები