ამერიკელმა სამართალდამცველებმა ყოფილი ამერიკელი ჩინოვნიკი მას შემდეგ დააკავეს, რაც გამოძიების ფედერალურმა ბიურომ (FBI) ვირჯინიაში მდებარე მისი სახლიდან ჩხრეკის შედეგად 40 მილიონი დოლარის ღირებულების ოქროს ზოდები ამოიღო. ინფორმაციას BBC ავრცელებს.
ტელეკომპანიის მტკიცებით, დაკავებულს დევიდ რაში ჰქვია. ის უკანასკნელი ერთი წლის განმავლობაში აშშ-ის მთავრობას მიმართავდა თხოვნით, მისთვის ოქროს ზოდები მიეცათ, რათა „სამსახურებრივი ხარჯები“ დაეფარა. დაკავებულს ბრალად სახელმწიფო ქონების მითვისება ედება.
აღსანიშნავია, რომ დაკავებული ცენტრალური სადაზვერვო სააგენტოს (CIA) თანამშრომელი იყო. მას პატიმრობა უკვე შეეფარდა.
გარდა ამისა, მისი სახლის ჩხრეკისას სამართალდამცველებმა დაახლოებით 2 მილიონი დოლარის ოდენობის ფულადი თანხა და 35 ერთეული ძვირად ღირებული მაჯის საათი ამოიღეს.
რაშს, რომელსაც მკაცრად გასაიდუმლოებულ დოკუმენტებთან წვდომა ჰქონდა, აგრეთვე ბრალად ედება ყალბი ჩვენებების მიცემა. როცა რაში სამსახურში იწყებდა მუშაობას, მან ხელმძღვანელობა მოატყუა და არასწორი ინფორმაცია მიაწოდა თავისი განათლებისა და გავლილი სამხედრო სამსახურის შესახებ.