აშშ-ის პრეზიდენტი, დონალდ ტრამპი თეთრი სახლის სიტუაციურ ოთახში მრჩევლებს ხვდება, რათა გადაწყვიტოს, დათანხმდეს თუ არა ირანთან წინასწარ შეთანხმებას. ინფორმაციას ამის შესახებ CNN-ი ავრცელებს.
„ახლა კრიზისების მართვის ოთახში შეხვედრას გავმართავ საბოლოო გადაწყვეტილების მისაღებად“, – დაწერა ტრამპმა სოციალურ ქსელში.
ტრამპმა აღნიშნა, რომ სხვა პირობებთან ერთად, ირანი „უნდა დათანხმდეს, რომ მათ არასოდეს ექნებათ ბირთვული იარაღი ან ბომბი“ და რომ „ჰორმუზის სრუტე დაუყოვნებლივ უნდა გაიხსნას“ ყოველგვარი გადასახადებისა თუ ნაოსნობის შეზღუდვების გარეშე.
მან ასევე განაცხადა, რომ სრუტის აშშ-ის მხრიდან ბლოკადა „მოიხსნება“, რაც ჩარჩენილ გემებს ნაოსნობის განახლების საშუალებას მისცემს.
ირანის მაღალგამდიდრებული ურანის მარაგების რთულ საკითხთან დაკავშირებით, ტრამპმა აღნიშნა, რომ მას „ამერიკის შეერთებული შტატები ამოიღებს“ და ირანთან კოორდინაციით გაანადგურებს.