ეს ხალხი ანაკლიასთან მიმართებით ყველაზე ნაკლებად უნდა ჩანდეს და საუბრობდეს. ძალიან კარგად დასრულდა ყველაფერი, რომ მათ არ მიეცათ საშუალება ანაკლიის პორტის პროექტის განხორციელების, – განაცხადა საქართველოს პრეზიდენტმა მიხეილ ყაველაშვილმა ანაკლიის ღრმაწყლოვან პორტზე საუბრისას.
მისი თქმით, ყველამ კარგად ნახა, თუ როგორ ატყუებდნენ საზოგადოებას და რა ჰქონდათ გეგმაში.
„სახელმწიფოს რადგან აქვს შესაძლებლობა, რომ თავად განავითაროს ანაკლიის ღრმაწყლოვანი პორტი, ეს არის ყველაზე მნიშვნელოვანი. თავად ჩვენს ქვეყანას ექნება მართვის პაკეტი და ამავე დროს სწორედ ის საკითხები, რაზეც მე ვისაუბრე, ჩვენი გამჭვირვალობა და დამოკიდებულება სხვადასხვა ორგანიზაციასთან, ბიზნესთან და სახელმწიფოებთან გვაძლევს საშუალებას, რომ ეს მულტივექტორული მიმართულებები ანაკლიის ღრმაწყლოვან პორტშიც გამოიყენება. ამ ჯგუფს პარტიასაც ვერ ვუწოდებ. ეს ხალხი ანაკლიასთან მიმართებით ყველაზე ნაკლებად უნდა ჩანდეს და საუბრობდეს. ძალიან კარგად დასრულდა ყველაფერი, რომ მათ არ მიეცათ საშუალება ანაკლიის პორტის პროექტის განხორციელების. ყველამ კარგად ვიხილეთ რა ჰქონდათ მიზნად და როგორ ატყუებდნენ საზოგადოებას“,- აღნიშნა ყაველაშვილმა.