უკრაინის პრეზიდენტმა, ვოლოდიმირ ზელენსკიმ ანკარაში ნატოს სამიტის კულუარებში მოლაპარაკებები გამართათავის პოლონელ კოლეგასთან, კაროლ ნავროცკისთან.
„ეს იყო მნიშვნელოვანი და აუცილებელი საუბარი, ჩვენ ერთ საათზე მეტხანს ვისაუბრეთ. ჩვენ ერთი საერთო საფრთხე გვაქვს: ეს არის რუსეთი. და ძალიან მნიშვნელოვანია ურთიერთგაგების, მხარდაჭერის შენარჩუნება და ერთობლივი მოქმედება. ჩვენს ქვეყნებს მხოლოდ მყარი ურთიერთობები სჭირდება“, – განაცხადა მან.
ზელენსკის თქმით, პოლონეთის პრეზიდენტთან მათ შეთანხმებას მიაღწიეს დიალოგის გაგრძელების შესახებ.
მანამდე პოლონეთის ლიდერმა სხვადასხვა ქვეყნის მეთაურებთან გამართულ საუბრებზე ისაუბრა, რომელთა შორის ზელენსკიც იყო.
მან ყურადღება არ გაამახვილა უთანხმოებებზე, არამედ განაცხადა იმ სახელმწიფოებს შორის დიალოგის აუცილებლობაზე, რომლებსაც საერთო მტერი ჰყავთ.
„ჩემი პოზიცია ორმხრივ დაძაბულობასთან დაკავშირებით უცვლელია. ვფიქრობ, რომ პოლონეთმა და მთელმა ევროპამ არ უნდა მოითმინონ უკრაინის ამბოხებულთა არმიის ჯარისკაცების განდიდება, რომლებიც პასუხისმგებელნი არიან 120 ათასი პოლონელის სიცოცხლეზე. მაგრამ ეს ჩვენს დიალოგს არ გამორიცხავს. ჩვენ ვგრძნობთ საერთო საფრთხეს რუსეთის ფედერაციის მხრიდან. უკრაინა ახლა რუსეთთან ომის მდგომარეობაშია, პოლონეთი კი მასთან საუკუნეების განმავლობაში კონფლიქტში იყო“, – განაცხადა პოლონეთის პრეზიდენტმა.