55 წლის ასაკში, უზენაესი სასამართლოს მოსამართლე გიორგი გოგიაშვილი გარდაიცვალა. სამწუხარო ინფორმაციას საქართველოს უზენაესი სასამართლო ავრცელებს.
„საქართველოს უზენაესი სასამართლო ღრმა მწუხარებას გამოთქვამს საქართველოს უზენაესი სასამართლოს მოსამართლის, ბატონი გიორგი გოგიაშვილის გარდაცვალების გამო.
ბატონი გიორგის მაღალი პროფესიონალიზმი და მრავალწლიანი ღირსეული სამოსამართლო საქმიანობა მნიშვნელოვნად დააკლდება ქართული მართლმსაჯულების სისტემას.
მისი გამორჩეული ადამიანური თვისებები, კოლეგიალობა და კეთილსინდისიერება სამაგალითოდ დარჩება თითოეული ჩვენგანის მეხსიერებაში.
ამ მძიმე წუთებში, ვიზიარებთ ბატონი გიორგის ოჯახის მწუხარებას და გულწრფელ თანაგრძნობას ვუცხადებთ მის ახლობლებსა და კოლეგებს“, – ნათქვამია სამძიმრის ტექსტში.
საინფორმაციო სააგენტო “ექსკლუზივ ნიუსი” სამძიმარს უცხადებს გიორგი გოგიაშვილის ოჯახს და მეგობრებს.
