საქართველოს პროკურატურამ, დიდი ოდენობით თანხის თაღლითურად დაუფლების ფაქტზე ერთ პირს ბრალდება წარუდგინა. ინფორმაციას პროკურატურა ავრცელებს.
შინაგან საქმეთა სამინისტროს მიერ ჩატარებული გამოძიებით დადგინდა, რომ თაღლითობისთვის ნასამართლევმა ბრალდებულმა, იმ მოტივით, რომ თითქოსდა საბაზრო ღირებულებაზე დაბალ ფასად მოიძიებდა მობილურ ტელეფონებს და მათი რეალიზაციის შემდგომ მოგებას თანაბრად გაანაწილებდნენ, დაზარალებულს 45 360 ლარი მოტყუებით ჩაარიცხინა და მიისაკუთრა.
დაკავებულს ბრალდება საქართველოს სისხლის სამართლის კოდექსის 180-ე მუხლის მე-3 ნაწილის ,,ბ“ და ,,გ“ ქვეპუნქტებით (თაღლითობა ჩადენილი დიდი ოდენობით, ჩადენილი არაერთგზის ) წარედგინა, რაც სასჯელის სახედ და ზომად 9 წლამდე თავისუფლების აღკვეთას ითვალისწინებს.
პროკურატურამ ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს უკვე მიმართა.