აშშ-ის პრეზიდენტმა დონალდ ტრამპმა განაცხადა, რომ თეთრი სახლის პრესმდივანი კეროლაინ ლევიტი თანამდებობას თვის ბოლოს დატოვებს. ინფორმაციას Reuters-ი ავრცელებს.
ტრამპის განცხადებით, ლეტივი პრეზიდენტის ადმინისტრაციის კომუნიკაციების მრჩევლად და მოძრაობა MAGA-ს აქტივისტად გააგრძელებს მუშაობას.
28 წლის ლევიტმა სოციალურ ქსელში დაწერა, რომ სურს, მეტი დრო გაატაროს მცირეწლოვან შვილებთან. მაისში მას მეორე შვილი შეეძინა და ცოტა ხნის წინ დეკრეტული შვებულებიდან დაბრუნდა.
„კეროლაინი თეთრ სახლში ნამდვილი ლიდერი იყო და ფენომენალურად ასრულებდა საქმეს სამართლიანობის, თავისუფლებისა და დამოუკიდებლობისთვის ბრძოლაში 2018 წლიდან, მათ შორის, 2024 წლის ისტორიული ხელახალი საარჩევნო კამპანიის დროს“, – განაცხადა ტრამპმა.
პრეზიდენტმა ლევიტს „თეთრი სახლის ისტორიაში ერთ-ერთი საუკეთესო პრესმდივანი“ უწოდა.
თავის მხრივ, ლევიტმა თეთრ სახლში მუშაობას „ცხოვრების უდიდესი პატივი და თავგადასავალი“ უწოდა.
ლევიტი ტრამპის 2024 წლის საპრეზიდენტო კამპანიას შეუერთდა და შემდეგ მისი საპრეზიდენტო ადმინისტრაციის გარდამავალი პერიოდის პრესსპიკერად მუშაობდა. მოგვიანებით ტრამპმა ის თეთრი სახლის პრესმდივნად დანიშნა.
ლევიტი ამ თანამდებობაზე დანიშნული ყველაზე ახალგაზრდა ადამიანი გახდა.