მოლდოვის საჰაერო სივრცე უცნობმა ობიექტმა დაარღვია, რის შემდეგაც აფეთქდა. ობიექტი ეროვნული არმიის სისტემებმა დააფიქსირეს. ინციდენტი მოლდოვის საგარეო უწყებამ დაგმო. თუმცა, ამ დრომდე არ კონკრეტდება, თუ რა ტიპის მოწყობილობამ დაარღვია ქვეყნის საჰაერო სივრცე. მიმდინარეობს გამოძიება.
დრონების მიერ მოლდოვის საჰაერო სივრცის დარღვევას მაია სანდუ გამოეხმაურა და პასუხისმგებლობა რუსეთს დააკისრა.
„დროების ფრენის ტრაექტორიის მიხედვით, შესაძლებელია იმის თქმა, რომელი მათგანია მიზანმიმართულად გაგზავნილი და რომელი აღმოჩნდა იქ შემთხვევით. ორივე შემთხვევაში დრონები საჰაერო სივრცეს არღვევენ და ადამიანებისთვის საფრთხეს წარმოადგენენ. ამ მოვლენებზე პასუხისმგებელი, ერთადერთი მხარე არის რუსეთის ფედერაცია“, – განაცხადა სანდუმ.
კომენტარები