პოლონური მედიის ცნობით, რუსეთის ოპოზიციური ჯგუფის „სახალხო დეპუტატთა კონგრესის“ წევრი სერგეი ვლასენკო ვარშავის მოკოტუვის რაიონში მდებარე ბინაში გარდაცვლილი იპოვეს. ვარშავის რაიონული პროკურატურის წარმომადგენლის, პიოტრ ანტონი სკიბასთქმით, ამ ეტაპზე არ არსებობს არანაირი ნიშანი იმისა, რომ 71 წლის მამაკაცის სიკვდილი სხვა პირების ქმედებებმა გამოიწვია.
„ხვალისთვის სპეციალიზებული ტესტებიადაგეგმილი, არა მხოლოდ გაკვეთა, არამედ ტოქსიკოლოგიური ანალიზიც. ამ ეტაპზე არ არსებობს ნიშანი იმისა, რომ მამაკაცის სიკვდილი სხვა პირების ქმედებებმა ან უმოქმედობამ გამოიწვია“, – განაცხადა სკიბამ.
მედიის ცნობით, სერგეი ვლასენკო 1980-იან წლებში შორეულ აღმოსავლეთში ადგილობრივი საბჭოს წევრი იყო. მოგვიანებით, ის სამხრეთ რუსეთში, ანაპაში ცხოვრობდა. უკრაინის წინააღმდეგ სრულმასშტაბიანი ომის დაწყების შემდეგ, ის რუსეთიდან პოლონეთში გაემგზავრა, თავდაპირველად ტურისტული ვიზით, შემდეგ კი იქ პოლიტიკური თავშესაფარი მიიღო.