გერმანიის საგარეო საქმეთა მინისტრი, იოჰან ვადეფული კიევში იმყოფება, სადაც იგი უკრაინის დამოუკიდებლობის 35-ე წლისთავისადმი მიძღვნილ ღონისძიებებს ესწრება. მისი ვიზიტი რუსეთის მხრიდან უკრაინის სამოქალაქო ობიექტებსა და ინფრასტრუქტურაზე განხორციელებული ინტენსიური იერიშების ფონზე მიმდინარეობს.
„დილა მშვიდობისა კიევიდან. უკრაინა ამ დღეებში დამოუკიდებლობის 35-ე წლისთავს აღნიშნავს. ამავდროულად, [ვლადიმირ] პუტინის რაკეტები და დრონები იმაზე ინტენსიურად უტევენ, ვიდრე ოდესმე. რუსული დარტყმების სამიზნეს სამოქალაქო ელექტრო და გათბობის ინფრასტრუქტურა წარმოადგენს“, – დაწერა ვადეფულმა სოციალურ ქსელ X-ში.
გერმანელმა დიპლომატმა ხაზი გაუსვა, რომ ბერლინი უკვე აქტიურად ემზადება უკრაინის დასახმარებლად ზამთრის რთულ პერიოდში.
„სწორედ ამიტომ, ჩვენ უკვე ვფიქრობთ ზამთარზე და ვმუშაობთ იმისთვის, რომ მხარი დავუჭიროთ უკრაინას იმით, რაც მას დასჭირდება. პუტინს სურს უკრაინელი ხალხის სულისკვეთების გატეხვა, თუმცა საზოგადოება მტკიცე და მედეგია“, – აღნიშნა მინისტრმა.
განცხადების დასასრულს იოჰან ვადეფულმა დარწმუნებით დასძინა, რომ „პუტინი ამ ზამთარს თავის მიზანს ვერ მიაღწევს“.