ამ ქალბატონებს როგორც ჩანს ჰგონიათ, რომ არჩევნებში მონაწილეობას იღებენ არა ადამიანები, არამედ არაჟნის ქილები და ბოთლები. მე შემიძლია ისინი დავამშვიდო, ვინაიდან სააკაშვილი უკვე ძალიან დიდი ხანია, რაც არის არაჟნების ლეგიტიმური პრემიერი, პრეზიდენტიც და ტუსაღიც, – განაცხადა ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარემ, რატი იონათამიშვილმა თამარ ჩერგოლეიშვილსა და ნანუკა ჟორჟოლიანს შორის ფეისბუკ-ნახვების საკითხზე დაპირისპირების შეფასებისას.
მისივე თქმით, ასეთი ქიშპით, ერთმანეთის სოც. ქსელებში რაოდენობების დათვლით სინამდვილეში აჩვენებენ მთლიანად რადიკალური ოპოზიცია რა შავ დღეში არსებობს და როგორ არის განადგურებულიც და გაუბედურებულიც.
„რაც მეტს ილაპარაკებენ ეს ადამიანები საკუთარ თავზეც და ერთმანეთზეც, მით უკეთესი იქნება საზოგადოებისთვისაც და შეიძლება ცოტა მეტი არაჟანიც გაიყიდოს“, – აღნიშნა რატი იონათამიშვილმა.