“მეტად გამკაცრებას ფიქრობს აშშ “ფარას” კანონმდებლობის, ვინაიდან ეს კანონი იცავს ქვეყნის უსაფრთხოებას,”- ამის შესახებ პარლამენტის ფრაქცია “ქართული ოცნების” თავმჯდომარის პირველმა მოადგილემ ლევან მაჭავარიანმა განაცხადა.
მისივე თქმით, საქართველოს ხელისუფლების მიერ მიღებული გამჭვირვალობის შესახებ კანონი გაცილებით მსუბუქია ვიდრე ამერიკული “ფარა”.
“კიდევ უფრო გამკაცრებას ფიქრობს ამერიკის შეერთებული შტატები ამ კანონმდებლობის, ვინაიდან ეს კანონი იცავს ქვეყნის უსაფრთხოებას, ქვეყნის სუვერენიტეტს. როდესაც ჩვენ ვიღებდით ქართულ გამჭვირვალობის უმარტივეს 6 გვერდიანკანონს, რომელიც არის გაცილებით მსუბუქი, ვიდრე ამერიკული “ფარა”, მაშინ თქვენ გახსოვთ, რომ ამერიკის შეერთებული შტატების იმდროინდელი ელჩი, ქალბატონი დეგნანი, იდგა იმ უბინძურესი კამპანიის ავანგარდში, რასაც ეწოდა “რუსული კანონი” და რამაც შეიყვანა ჩვენი საზოგადოება შეცდომაში. თუმცა, გავიდა წლები და რასაც აანონსებდნენ, რომ ამ კანონის მიღების შემთხვევაში თითქოს ემიგრანტები ფულს ვერ გადმორიცხავდნენ, თითქოს ავკრძალავდით ენჯეო ორგანიზაციებს, ავკრძალავდით ოპოზიციურ მედიასაშუალებებს და ასე შემდეგ მსგავსი ბოდვები, ჩვენი საზოგადოება დარწმუნებულია, რომ ეს ყველაფერი იყო ტყუილი”, – აცხადებს ლევან მაჭავარიანი.