აშშ-ის პრეზიდენტმა დონალდ ტრამპმა ხელი მოაწერა კანონს, რომელიც რუსეთსა და ირანთან დაკავშირებულ სანქციებს აფართოებს და მათ წინააღმდეგ დამატებითი სავაჭრო შეზღუდვების დაწესებას ითვალისწინებს. ინფორმაციას თეთრი სახლი ავრცელებს.
თეთრი სახლის განცხადებით, ტრამპმა ხელი მოაწერა H.R. 5334-ს – „ლინდსი ო. გრემის 2026 წლის კანონს რუსეთისა და ირანის სანქცირების შესახებ“.
კანონი ითვალისწინებს რუსეთის წინააღმდეგ მოქმედი სანქციების, ტარიფებისა და აკრძალვების საკანონმდებლო ჩარჩოს გაფართოებას, ასევე ირანის წინააღმდეგ არსებული სანქციების გაგრძელებას. კანონი ტრამპს ავალდებულებს, რუსეთის ნავთობის ან ბუნებრივი აირის ხუთ უმსხვილეს იმპორტიორ ქვეყანას 100%-მდე ტარიფები დაუწესოს. გამონაკლისი შეეხება ქვეყნებს, რომლებიც რუსეთიდან ბუნებრივი აირის იმპორტს რუსეთის გაზის ექსპორტის 15%-ზე ნაკლები მოცულობით ახორციელებენ და ამ იმპორტის შესამცირებლად მნიშვნელოვან ნაბიჯებს დგამენ.
ცნობისთვის, აშშ-ის წარმომადგენელთა პალატამ, გარდაცვლილი სენატორის ლინდსი გრემის მიერ რუსეთის წინააღმდეგ შემუშავებულ სანქციებს მხარი 17 სექტემბერს დაუჭირა.