გერმანელმა გამომძიებლებმა ფრანკფურტში 31 ოქტომბერს მომხდარ არეულობაში მონაწილე 54 ეჭვმიტანილის ვინაობა დაადგინეს. პროკურატურის ცნობით, მათ ბრალად ედებათ საზოგადოებრივი წესრიგის დარღვევა, სხეულის განზრახ მძიმე დაზიანება, ყაჩაღობა, სამართალდამცველებისთვის წინააღმდეგობის გაწევა და მათზე ფიზიკური თავდასხმა.
გარდა ამისა, პოლიცია და პროკურატურა იძიებენ სხვის საკუთრებაში უკანონო შეჭრის, ქონების დაზიანებისა და შეკრების შესახებ კანონმდებლობის დარღვევის ფაქტებსაც. იდენტიფიცირებულთა შორისაა სირიის მოქალაქე, რომელმაც იარაღის მაღაზია გაძარცვა. ის დაკავებულია და 10-წლამდე პატიმრობა ემუქრება.
კომენტარები