„ნაციონალურ მოძრაობას“ და მის დანამატებს, რომლებიც მუდმივად ფინანსდებიან და გარედან მხარდაჭერილები არიან, აქვთ ერთადერთი დავალება – პოლიტიკური პროცესების რადიკალიზაცია მოახდინონ, – განაცხადა პარლამენტის კულტურის კომიტეტის თავმჯდომარემ, გიორგი გაბუნიამ, რითავ IRI-ის კვლევის შედეგებს გამოეხმაურა.
მისი თქმით, საზოგადოებაში რადიკალურ ოპოზიციას არანაირი პერსპექტივა აღარ დარჩა.
„ეს ძალა არის გაკოტრებული და დამთავრებული ჩვენი საზოგადოების თვალში. ხელისუფლებამ არაერთხელ დაამტკიცა, რომ მას აქვს უპრეცედენტო ნდობა, ეს ჩვენ ვნახეთ როგორც საპარლამენტო, ისე ადგილობრივი თვითმმართველობის არჩევნებში“, – აღნიშნა გაბუნიამ.
IRI-ის გამოკითხვით, „ნაციონალურ მოძრაობას“ 5 პროცენტი აქვს, „ქართულ ოცნებას“ კი 36. საერთო ჯამში კი 8 ოპოზიციურ პარტიას მხოლოდ 16 პროცენტიანი მხარდაჭერა აქვს.