“მარიამ ქვრივიშვილის მაღალი დონის ვიზიტი ჩინეთში მკაფიოდ ადასტურებს საქართველოს ეროვნულ ინტერესებზე მორგებული პოლიტიკის წარმატებას”

საქართველოსა და ჩინეთს შორის ყოვლისმომცველი სტრატეგიული პარტნიორობა ახალ, კიდევ უფრო დინამიკურ ფაზაში შედის, – წერს სოციალურ ქსელში „ხალხის ძალის“ წევრი თამთა მეგრელიშვილი.

მისივე თქმით, ვიცე-პრემიერის, ეკონომიკისა და მდგრადი განვითარების მინისტრის მარიამ ქვრივიშვილის ჩინეთის უმაღლეს ხელმძღვანელობასთან გამართული შეხვედრები ადასტურებს, რომ საქართველო მტკიცედ იმკვიდრებს ადგილს, როგორც
„შუა დერეფნის“ უალტერნატივო გლობალური ლოგისტიკური ჰაბი.

„ვიცე-პრემიერ მარიამ ქვრივიშვილის მაღალი დონის ვიზიტი ჩინეთში მკაფიოდ ადასტურებს საქართველოს ეროვნულ ინტერესებზე მორგებული პოლიტიკის წარმატებას.

სავაჭრო ბრუნვის 41%-იანი რეკორდული ზრდა და ჩინეთის უმაღლეს ხელმძღვანელობასთან გამართული შეხვედრები ადასტურებს, რომ ჩვენი ქვეყანა მტკიცედ იმკვიდრებს ადგილს, როგორც „შუა დერეფნის“ უალტერნატივო გლობალური ლოგისტიკური ჰაბი.
ანაკლიის ღრმაწყლოვანი პორტისა და რკინიგზის მოდერნიზაციის პროექტები ახალ ეტაპზე გადადის, აქტიური თანამშრომლობა სამოქალაქო ავიაციის სფეროში და პირდაპირი ფრენების განვითარება, ქართული სახელმწიფოსთვის პირდაპირი ეკონომიკური სარგებლის, ახალი სამუშაო ადგილებისა და ტურისტული ნაკადების გარანტიაა“, – წერს სოციალურ ქსელში თამთა მეგრელიშვილი.

მისივე განმარტებით, ორმხრივი ვაჭრობის ხელშეწყობის მიზნით ქვეყნებს შორის შექმნილი ერთობლივი სამუშაო ჯგუფის პირველი შეხვედრა აქტიური მუშაობის წინაპირობას ქმნის და საბოლოო ჯამში ჩინეთის უზარმაზარ ბაზარზე ქართული პროდუქციის ექსპორტის კიდევ უფრო მეტად სტიმულირებას შეუწყობს ხელს.

„ეს ვიზიტი არის მკაფიო სიგნალი იმისა, რომ ორმხრივი ეკონომიკური ურთიერთობები ქართული სახელმწიფოსთვის ხელშესახებ შედეგებზე გადის.
,,ქართული ოცნების“ პოლიტიკას ქვეყნისთვის მოაქვს რეალური, ხელშესახები ეკონომიკური სარგებელი.
მმართველი გუნდის მიერ გატარებული გონივრული პოლიტიკური კურსი საქართველოს „შუა დერეფნის“ უალტერნატივო ცენტრად აქცევს.

„ქართული ოცნების“ პირობებში საქართველო ხდება გლობალური ლოგისტიკური და სტრატეგიული მოთამაშე რომელიც საკუთარი ქვეყნის ეროვნულ ინტერესებს ბოლომდე იცავს. დამოუკიდებელი საგარეო პოლიტიკა და მიმდინარე მასშტაბური ინფრასტრუქტურული პროექტები არის წინაპირობა იმისა, რომ ქართული სახელმწიფო „შუა დერეფნის“ უალტერნატივო გლობალურ ჰაბად იქცეს“, – წერს თამთა მეგრელიშვილი.