ინგლისში სკოლის მოსწავლეებს სასწავლო პროცესის განმავლობაში მობილური ტელეფონების გამოყენება, ასევე მობილური ტელეფონის ჩანთაში შენახავა აეკრძალებათ.
„ბიბისის“ ინფორმაციით, ახალი რეგულაციები 2026 წლის ივნისში დამტკიცდა და სკოლებსა და საგანმანათლებლო დაწესებულებებში დღის განმავლობაში მობილური ტელეფონების სრულად აკრძალვას გულისხმობს. ცვლილებები სკოლებში 2027 წლის სექტემბერში ამოქმედდება.
ამასთან, როგორც „ბიბისი“ იტყობინება, ზურგჩანთაში ტელეფონის შენახვის შეზღუდვა ინგლისის ზოგიერთ სკოლაში დირექტორატის გადაწყვეტილების საფუძველზე მოქმედებდა, თუმცა ახლა სავალდებულო ხდება ყველა სკოლისთვის.
დირექტორთა პროფკავშირებში აცხადებენ, რომ სკოლებს ახალი, უფრო მკაცრი მითითებების შესრულება დამატებითი სამთავრობო დაფინანსების გარეშე გაუჭირდებათ. როგორც ცნობილია, სკოლებს თავად შეეძლებათ, გადაწყვიტონ, როგორ დაიცვან ეს მითითებები.
ამასთან, 2027 წლის მარტიდან ბრიტანეთში 16 წლამდე ასაკის პირებისთვის სოციალური მედიის გამოყენება აიკრძალება.