პოლკოვნიკი იმედა გვრიტიშვილი ოფიციალური ვიზიტით აზერბაიჯანის რესპუბლიკის დედაქალაქ ბაქოში იმყოფებოდა

დავით აღმაშენებლის სახელობის საქართველოს ეროვნული თავდაცვის აკადემიის მეთაურის პირველი მოადგილე, პოლკოვნიკი იმედა გვრიტიშვილი, ორმხრივი სამხედრო თანამშრომლობის ფარგლებში, აკადემიის დელეგაციასთან ერთად, ოფიციალური ვიზიტით აზერბაიჯანის რესპუბლიკის დედაქალაქ ბაქოში იმყოფებოდა.
ვიზიტის ფარგლებში, აკადემიის წარმომადგენლებმა შეხვედრები გამართეს აზერბაიჯანელ კოლეგებთან. შეხვედრების ძირითად მიზანს სამხედრო განათლების სფეროში არსებული გამოცდილების გაზიარება, განხორციელებული რეფორმების გაცნობა და ორმხრივი თანამშრომლობის გაღრმავება წარმოადგენდა.
აღნიშნულმა შეხვედრებმა ხელი შეუწყო საქართველოსა და აზერბაიჯანის სამხედრო საგანმანათლებლო დაწესებულებებს შორის პარტნიორული ურთიერთობების განმტკიცებას, სამხედრო განათლების სფეროში თანამშრომლობის განვითარებასა და საერთაშორისო გამოცდილების გაზიარებას.
საქართველოს ეროვნული თავდაცვის აკადემია აქტიურად აგრძელებს საერთაშორისო თანამშრომლობის გაღრმავებას, რაც სამხედრო განათლების განვითარებისა და მომავალი ოფიცრების პროფესიული მომზადების ხარისხის ამაღლების მნიშვნელოვანი წინაპირობაა.