„Tv 3″-ის გენერალური დირექტორი, „Tv 8″-ის დამფუძნებელი, ჟურნალისტი ლალი ეგაძედავით ოქიტაშვილის კანდიდატურას, რომელიც პროფკავშირეობის თავმჯდომარეობის ერთ-ერთი კანდიდატი იქნება შემდეგი სახის განცხადებით ეხმაურება:
„პეტრიაშვილი ხარ თუ პავლიაშვილი, ოქიტაშვილამდე ბევრი გიკლია! არიან ადამიანები, რომელთაც საზოგადოების განსაკუთრებული სიყვარული და პატივისცემა მოსავს. სწორედ ასეთია დავით ოქიტაშვილი! ადამიანი რომელსაც უამრავი სიკეთე აქვს ნაკეთები! კაცი, რომელიც სითბოს, სიხარულს, სიკეთეს ჩუქნის საზოგადოების დიდ ნაწილს. ინტელიგენციის გამორჩეულ ნაწილს უყვარს და ეს სიყვარული, ისე არ მოდის! ოქიტა, თუ კონცერტებს ატარებს და გამუდმებით შრომობს, ამაში ცუდი რა არის?! სხვებივით სახელმწიფოს ქონებას არ ანიავებს!
გამოჩნდება მალე ვინ ვინაა!
ოქიტას იმიჯი დაუსვრელია, ნუ ცდილობთ ლაქა მიაცხოთ! უბრალოდ, არ გამოგივათ! ვაფასებ, მიყვარს დავით ოქიტაშვილი! მისი გულით, ორგანიზატორული ნიჭით, შრომის უნარით სჭირდება დათო ჩვენს ქვეყანას! მითუმეტეს პროფკავშირებს, სადაც დიდი ქაოსი და გაურკვევლობაა… ზუსტად ვიცი, დათო გაიმარჯვებს ამ ბრძოლაში და ეს სისტემა, ძალიან მალე სანიმუშო იქნება! ერთი ვიცი, რომ ჩვეულებრივი რიგითი ადამიანისთვის იმდენი სიკეთე აქვს დათოს უანგაროდ გაკეთებული ეხლა შემოდგომაა და წიწილების დათვლის დრო მოვიდა… წარმატებები ოქიტ! გვჭირდები და ჭირდები პირველ რიგში შენს ქვეყანას!” , – განაცხადა ლალი ეგაძემ.