შსს–ს საგანგებო სიტუაციების მართვის სააგენტოს წყალზე მაშველებმა ბოლო 24 საათის განმავლობაში, ფოთსა და ურეკში, 12 მოქალაქე გადაარჩინეს.
შინაგან საქმეთა სამინისტროს ცნობით, მაშველების მიერ გადარჩენილი 12 მოქალაქიდან 7 უცხო ქვეყნის მოქალაქეა, გადარჩენილთა შორის ყველაზე უმცროსი 5 წლის ბიჭი, ყველაზე ასაკოვანი კი 73 წლის მამაკაცი იყო.
მათივე ინფორმაციით, შავი ზღვის სანაპიროზე, გუშინ, ამინდის გაუარესების გამო, საშტორმო მდგომარეობა გამოცხადდა. შსს-ს მაშველები უწყვეტ რეჟიმში ახორციელებდნენ მონიტორინგს, სანაპირო ზოლზე არსებულ ყველა საგუშაგოზე აღმართული იყო ცურვის ამკრძალავი წითელი ალმები.
ამ დროისთვის, საშტორმო მდგომარეობა მოხსნილია. შესაბამისად, ყველა საგუშაგოზე აღმართულია თეთრი ალმები
კომენტარები