“პატრიოტთა ალიანსი”-ს ლიდერი ირმა ინაშვილი სოციალურ ქსელში პოსტს აქვეყნებს:
“ზოგჯერ მგონია, რომ ჩვენი საზოგადოების ნაწილი ერთგვარ ბურანშია. გამოფხიზლდი, საქართველო! გაახილე თვალი! კარგად დააკვირდით თბილისის მერობის კანდიდატებს და აღმოაჩენთ, რომ კანდიდატთა უმრავლესობა ნაცმოძრაობის პირდაპირი თუ ირიბი მოკავშირეა.
1. ვისაც ზაალ უდუმაშვილი მოგწონთ, შეგახსენებთ, რომ მხარს უჭერთ 7 ნოემბერს, 26 მაისს, 15 ივნისს, 6 მაისს, აგვისტოს ომს და სამარცხვინოდ ჩაბარებულ ქართულ მიწებს, ტერორს უჭერთ მხარს, ძალადობას, წართმევას და წამებას.
2. ელენე ხოშტარიას პარტია იგივე წარსულითაა და იგივე მენტალიტეტით. ბოკერია მოენატრა ვინმეს, თუ უგულავა- ბაქრაძის პლაკატებმა მოგხიბლათ?
3. ელისაშვილი იგივე მიშა სააკაშვილია,- პარლამენტის იურიდიულ კომიტეტში. ვისაც გონება უჭრის, უნდა გრძნობდეს, რომ ხალხის გულებს მიშაც ასე იპყრობდა. ვითომ უპარტიოს, რეალურად თვითონ ნაცები და ნაციონალური მოძრაობის რამდენიმე მემკვიდრე პარტია უჭერს მხარს, დამატებით რესპუბლიკელები. ელისაშვილი ნაცების მენშევიკია. უბრალოდ, ნეიტრალურს თამაშობს. ჩემი აზრით, ცუდად. სათადარიგოა,- ზალიკოს პარალელურად.
4. ლეიბორისტებს სწორება ნაცებზე აქვთ.
5. ვაშაძე ნაცების მემკვიდრე და სულიერი ძმაა.
6. რესპუბლიკელების კანდიდატზე კომენტარს არც გავაკეთებ.
ვინ დარჩა მეორე ნაპირზე? კალაძე, მე და კახა კუკავა.
საქართველო და თბილისო, გამოფხიზლდი.
P.S. ამ კომენტარს, წესით, მე კი არა, ობიექტური ექსპერტები უნდა წერდნენ, მაგრამ ასეთი კლასი საქართველოში არ არსებობს და ვინც არსებობს, მათი დიდი ნაწილი გაყიდულია. მეორე- ნაცების კანდიდატთა დაპირებები თბილისის აყვავების შესახებ, 2004- 2012 წლებში უკვე ვნახეთ. ვისაც ამ ხალხის კიდევ გჯერათ, თქვენს გულსა და ტვინში ჩამახედა, რა ხდება ასეთი…”- წერს ინაშვილი.