თბილისს უამრავი საგანძური აქვს, რომელიც მიხედვის შემთხვევაში იქნება ძალიან ლამაზი, – ამის შესახებ საქართველოს პრემიერ-მინისტრმა გიორგი კვირიკაშვილმა აღმაშენებლის განახლებულ გამზირზე განაცხადა, სადაც “თბილისობასთან” დაკავშირებით ღონისძიებები მიმდინარეობს.
“ყველას გილოცავთ ამ ულამაზეს დღესასწაულს. დღეს ასეთი მშვენიერი ამინდიც გამოვიდა. მინდა, ყველას ჰქონდეს ასეთი მშვენიერი განწყობა, როგორიც აქ არის, ამ უბანში. ასეთი სილამაზე იქნება მთელ თბილისში. ძალიან მომწონს როგორ გაკეთდა ძველი აღმაშენებელი და ნამდვილად უნდა ვთქვა, რომ თბილისს აქვს უამრავი საგანძური, რომელიც ასეთი მოვლის შემთხვევაში იქნება ძალიან ლამაზი და მე გარწმუნებთ, რომ ზუსტად ასეთი ლამაზი იქნება მთელი თბილისი. გილოცავთ კიდევ ერთხელ ყველას. ეს არის ძალიან ლამაზი შემოდგომის დღესასწაული”,- აღნიშნა პრემიერმა.