საპარლამენტო უმრავლესობის წევრი ვანო ზარდიაშვილი მიიჩნევს, რომ თბილისის საკრებულოს გარშემო განვითარებული პროცესები პოლიტიკური თამაშია იმისათვის, რომ „რუსთავი 2″-ის ეთერში “კარწინკა” შეიქმნას.
ამის შესახებ ზარდიაშვილმა ბიუროს დღევანდელ სხდომაზე ისაუბრა, სადაც ოპოზიციონერ დეპუტატს, ხათუნა გოგორიშვილს დაუპირისპირდა: „ქალბატონო ხათუნა, თუ შეიძლება პირი დაკეტეთ”.
„ასევე იტყუებიან, რომ როდესმე მათი გუნდის წევრი ვიყავი. ეს ყველაფერი მარტივი პოლიტიკური თამაშია. ერთი კვირაა ვუყურებთ, „ევრონაცები” „ნაციონალებს” როგორ აბრალებენ, რომ ივანიშვილის თამაშს თამაშობენ და „ნაცები” პირიქით ბოკერია-უგულავას „ქართული ოცნებისა” და ივანიშვილის თამაშს აბრალებენ. მარტივ პოლიტიკურ ხლართს ვუყურებთ, რადგან დასამტკიცებელი აქვთ, რომ ივანიშვილისა და „ქართული ოცნების” თამაშს არ თამაშობენ. ამისთვის სადღაც უნდა შეიჭრან, რათა „რუსთავი 2-თვის” „კარწინკა” შეიქმნას. არ შეიძლება, ინვესტიციებზე ლაპარაკობდე და მილიარდიანი ინვესტიციის წინააღმდეგი იყო. ქალბატონო ხათუნა, როცა ვსაუბრობ იქნებ გაჩუმდეთ. თქვენ არ გაჩუმებთ, რადგან როგორც მინიმუმ ზრდილობა მაქვს”, – განაცხადა ვანო ზარდიაშვილმა ბიუროს დღევანდელ სხდომაზე.
“საკრებულოს გარშემო განვითარებული პროცესები პოლიტიკური თამაშია იმისათვის, რომ “რუსთავი 2”-ის ეთერში “კარწინკა” შეიქმნას”
2017/10/10 19:17:49
ნანახია: 1034 ჯერ