“ქართული ოცნება-დემოკრატიული საქართველოს” თბილისის მერობის კანდიდატმა კახა კალაძემ, ტელეკომპანია “იმედის” ეთერში, გადაცემა “ამომრჩევლის პირისპირ” დედაქალაქში არსებულ ეკოლოგიურ პრობლემებზე ისაუბრა.
“ეკოლოგია ეს არის თემა, რომელიც ყველაზე მეტად სტკივა და აწუხებს თბილისის მოსახლეობას. თუ ჩვენ დღეს არ გადავდგით კონკრეტული ნაბიჯები, ხვალინდელი დღე თითოეული ჩვენთაგანისთვის, ჩვენი შვილებისთვის, მომავალი თაობისთვის – შეუძლებელი იქნება ამ ქალაქში ცხოვრება. ჩენს შვილებს სჭირდებათ ჯანსაღი გარემო და სუფთა ჰაერი.ზოგადად პრობლემებს ქმნის მშენებლობების მტვერი, ავტომობილების გამონაბოლქვი. პირველი, რასაც ჩვენ გავაკეთებთ ეს არის მცირე და საშუალო ზომის სკვერების რეაბილიტაცია, დაახლოებით დედაქალში არის 1400-მდე სკვერი და დაგეგმილი გვაქვს მათი განახლება, ასევე თორმეტივე დიდი პარკის, ასევე, თბილისის ზღვის ტერიტორიაზე არსებული დენდროლოგიური პარკისა და “მზიურის” რეაბილიტაცია”, 13 ივნისის შემდეგ ძალიან დაზარლდა “მზიური” და შესაბამისად გვინდა მისი აღდგენა და თბილისის ზოოპარკთან დაკავშირება საფეხმავლო ხიდით. ეს არის ის ძირითადათი მიმართულებები რასაც ეკოლოგიის კუთხით ვაპირებთ”,- განაცხადა კახა კალაძემ და დასძინა რომ ეკოლოგიური მდგომარეობის მოგვარება მხოლოდ აღნიშნულით ვერ მოხერხდება.