საქართველოს პრემიერ-მინისტრმა გიორგი კვირიკაშვილმა მსახიობ ლიკა ქავჟარაძის ოჯახს მიუსამძიმრა.
პრემიერი აბაშიძის ქუჩის 62 ნომერში მსახიობის პანაშვიდზე იმყოფებოდა.
„ძალიან გულდასაწყვეტია, როდესაც რამდენიმე თაობისთვის სათაყვანებელი მსახიობი ლიკა ქავჟარაძე ასე უდროოდ წავიდა. მინდა, ყველას მივუსამძიმრო, მთელ საქართველოს, მის ოჯახს ეს უდიდესი დანაკლისი. ეს არის კინოვარსკვლავი, რომელიც არ ხუნდება და დარჩება როგორც ულამაზესი ქართველი ქალი, რომელმაც დაიპყრო მთელი საქართველოს გული“, – განაცხადა გიორგი კვირიკაშვილმა.
მსახიობის სახლთან ამ დრომდე იკრიბებიან მისი მეგობრები, კოლეგები, ხელოვნების სხვადასხვა სფეროს წარმომადგენლები.
კომენტარები