საქართველოს გადასახადის გადამხდელთა კავშირი განცხადებას ავრცელებს.
“გუშინ საქართველოს პარლამენტის წევრმა, ფრაქცია ევროპული საქართველოს წარმომასგენელმა ქ-მ სალომე სამადაშვილმა ინტერვიუში განაცხადა, რომ დღესდღეობით საქართველოში ყველა ბიზნესი განიცდის ზეწოლას,რათა მათ გაიღონ შემოწირულობა მხოლოდ მმართველი პარტიის სასარგებლოდ.
ჩვენი კავშირის სახელით, სადაც გაერთიანებული ვართ სხვადასხვა ბიზნესისა და საქმიანი წრეების წარმომადგენლები, ოფიციალურად ვაცხადებთ, რომ კატეგორიულად არ ვეთანხმებით ამ განცხადების არც პათოსს და არც შინაარსს. დღეს საქართველოში ბიზნესი თავისუფალია სახელისუფლებო თუ სხვა სახის წნეხისგან და შესაბამისი სურვილისა და ცოდნის არსებობის შემთხვევაში, ქვეყანაში შექმნილია ყველანაირი პირობა ბიზნესისა თუ ნებისმიერი სხვა საქმიანობის წარმართვისათვის. ავღნიშნავთ, რომ ამ შინაარსის მქონე, სიცრუეზე დაფუძნებული განცხადებები ნეგატიურ გავლენას ახდენს ქვეყანაში არსებულ ბიზნეს გარემოსა და ინვესტიციებზე, ამიტომაც მოვუწოდებ იმ პოლიტიკურ ჯგუფებს და პირებს ვინც იზიარებს ქალბატონი სალომე სამადაშვილის აზრსს, თავი შეიკავონ მსგავსი განცხადებებისაგან და ნუ შეიყვანენ საზოგადოებას შეცდომაში. “
პრეზიდენტი-ალექსანდრე რატიშვილი