„ბიძინა ივანიშვილი არის “დაზღვევა”, თუ ეს ხელისუფლება „გაგიჟდება“ ის არის ფაქტორი, რომ ეს ყველაფერი შეცვალოს. მე როგორც მოქალაქეს ეს მაზარმაცებს, ვიცი, რომ ვიღაც არის ვინც ამ ყველაფერში დამეხმარება“, – ამის შესახებ უფლებადამცველმა, სოფიო ხორგუანმა პორტალ „კვირას“ პრესკლუბში გამართულ პრესკონფერენციაზე განაცხადა.
როგორც მან წინასაარჩევნო პროცესის შესაფასებისას აღნიშნა, ის გადაცდომები, რაც აქამდე იყო შედეგებზე გავლენას ვერ მოახდენს.
მისივე თქმით, თითოეულ ფრაზას შეუძლია შეცვალოს ამომრჩევლის გადაწყვეტილება „წინასაარჩევნო პროცესი ძირითადად დამაკმაყოფილებელი იყო. ის გადაცდომები კი, რაც აქამდე შეგვხვდა არ იყო ისეთი, რომელსაც რაიმე გავლენა შეიძლება ჰქონდეს შედეგებზე.
არჩევნების დღეს კი შეიძლება იყოს პატარ-პატარა შეხლა-შემოხლის მცდელობები. არჩევნებს იგებს ყველაფერი ერთად ჯამში. სტაბილურობის განცდა საზოგადოებაში მნიშვნელოვანია. თითოეულ ფრაზას შეუძლია შეცვალოს ამომრჩევლის გადაწყვეტილება, ამიტომაა ძნელი რაღაცის პროგნოზირება წინასწარ. თუ ამომრჩეველს უნდა, რომ ხელისუფლებას შემოუძახოს ასეთი ამომრჩევლის აქტიურობით იქნება მეორე ტური. დღეს ყველაზე მყარია განცდა, რომ ჩემს ხმას მნიშვნელობა აქვს. კრიტიკულ სიტუაციაში კი ყველაზე აქტიურია ამომრჩეველი, რაც 2012 წელს ვნახეთ მიუხედავად შიშისა, ტერორისა“, – განაცხადა სოფო ხორგუანმა.
უფლებადამცველმა „ქართული ოცნების“ მერობის კანდიდატზეც ისაუბრა და აღნიშნა, რომ მას ევროპული შრომის კულტურა აქვს, რაც დიდი პლიუსია. სოფო ხორგუანი ასევე იმედოვნებს, რომ არჩევნების შემდეგ მთავრობა გარკვეულ ცვლილებებს განახორციელებს, რადგან სიახლეები ხელისუფლებას არ აწყენდა.
„კალაძის პლიუსი არის მისი შრომისუნარიანიობა და აქვს ევროპული შრომის კულტურა. ასევე, აქვს ამბიცია რაღაცა შედეგი დადოს. პრობლემა რაც დახვდება მას ეს არის სხვადასხვა კლანებთან გამკლავება. ამას ვერ მოაბა თავი დავით ნარმანიამ. მე დიდი იმედიო მაქვს არჩევნების შემდეგ მთავრობა გარკვეულ ცვლილებებს განახორციელებს. გადახალისება არც ერთ უწყებას არ აწყენს, ყველაზე მეტად რაც მაწუხებს ეს არის განათლების სფერო, თავისი პრობლემებით. ალექსანდრე ჯეჯელავამ დააზიანა ეს ხელისუფლება. ასევე შინაგან საქმეთა სამინისტროსგანაც მინდა მეტი, სიახლეები არ აწყენს მთავრობას. მთავარია, რომ ნეპოტიზმის და კორუფციის განცდა არ დამკვიდრდეს“,-განაცხადა უფლებადამცველმა, სოფო ხორგუანმა პორტალ „კვირას“ პრესკლუბში გამართულ პრესკონფერენციაზე.