პრეზიდენტი არის მიკერძოებული და სუბიექტური, – მის შეს საქართველოს პარლამენტის თავმჯდომარემ ირაკლი კობახიძემ განაცხადა.
კობახიძე იმედოვნებს, რომ პრეზიდენტი საკონსტიტუციო ცვლილებების დოკუმენტს ხელს მოაწერს.
” იმედი მაქვს, რომ პრეზიდენტი ამჯერად მაინც მიიღებს პრაგმატულ გადაწყვეტილებას და ხელს მოაწერს საკონსტიტუციო ცვლილებებს. დაველოდოთ როგორ განვითარდება მოვლენები“, – განაცხადა ირაკლი კობახიძემ.
პარლამენტის თავმჯდომარის განმარტებით, თუ პრეზიდენტი ხელს არ მოაწერს დოკუმენტს, მაშინ ამას პარლამენტის თავმჯდომარე გააკეთებს.
“მას აქვს სუბიექტური, მიკერძოებული მიდგომა. პრეზიდენტი თავიდანვე დაუპირისპირდა სახელმწიფო საკონსტიტუციო კომისიას, მერე საქართველოს პარლამენტს, ზოგადად საკონსტიტუციო რეფორმის იდეას. ის არის მიკერძოებული და სუბიექტური”, – განაცხადა ირაკლი კობახიძემ.