პრეზიდენტმა პირადი წყენა გადაიყვანა პოლიტიკაში, რასაც ჩვენ კონსტრუქციით ვუპასუხეთ, – ასე აფასებს დეპუტატი ლევან გოგიჩაიშვილი პრეზიდენტის დღევანდელ გამოსვლას.
“არ უნდა პრეზიდენტს აღიაროს მის მიერ დაშვებული შეცდომები, რითიც თავიდანვე დიდი დარტყმა მიაყენა საკონსტიტუციო პროცესს. არევა დაიწყო მან, მერე ესტაფეტა გადააბარა “ნაციონალურ მოძრაობას” და მისგან გამოყოფილ პარტიებს. გახსოვთ ხო იწილო-ბიწილო, მე ვიქნები კომისიოს თავმჯდომარე – ესეთი არასერიოზული მიდგომები. ჩვენ ყველა თამაშის წესი დავიცავით. პრობლემა იყო პრეზიდენტის დამოკიდებულება მისი პირადი წყენებიდან გამომდინარე. დღევანდელი განცხადება, თითქოს ის რაღაც პროცესებზე მაღლა დგას, რომ ის ყველაზე მეტად სახელმწიფო მოაზროვნეა – ეს ყველაფერი არის ფარსი, ამის უკან დგას სიჯიუტე, უპრინციპობა. მან პირადი წყენა გადაიყვანა პოლიტიკაში, რასაც ჩვენ კონსტრუქციით ვუპასუხეთ”, – განაცხადა ლევან გოგიჩაიშვილმა.