“ქართული ოცნების” მერობის კანდიდატი კახა კალაძე მხარდამჭერებს არჩევნებზე მისვლისკენ მოუწოდებს.
როგორც მან ბრიფინგზე განაცხადა, არჩევნებზე გამოცხადება და საკუთარი პოზიციის დაფიქსირება ძალიან მნიშვნელოვანია.
“ხვალ მთელი ქვეყნის მასშტაბით იმართება ადგილობრივი თვითმმართველობის არჩევნები, სადაც ჩვენი ქვეყნის მოსახლეობა მიიღებს გადაწყვეტილებას, ვის უნდა ანდოს ქალაქის, საკუთარი მუნიციპალიტეტის მართვის მომავალი.
მინდა ვთხოვო ჩემს ყველა მხარდამჭერს, ყველა ჩემს თანამებრძოლს, მეგობრებო ჩვენი ერთად დგომა, არჩევნებზე გამოცხადება და საკუთარი პოზიციის დაფიქსირება ძალიან მნიშვნელოვანია.
მხარი დავუჭიროთ სიცოცხლით სავსე ქალაქს, ძლიერ რეგიონებს და ძლიერ საქართველოს, მხარი დავუჭიროთ ჩვენი ქვეყნის სწორ გეგმა ზომიერ განვითარებას, ჩვენი შვილების ჯანსაღ და განათლებულ მომავალს, მხარი უნდა დავუჭიროთ ადამიანების თავისუფლებაზე და კეთილდღეობაზე ორიენტირებულ მმართველობას. მხოლოდ ასე შევძლებთ სიცოცხლით სავსე ქალაქის და ძლიერი ქვეყნის მშენებლობას. 21 ოქტომბერს ყოველი თქვენგანი უნდა გამოცხადდეთ არჩევნებზე და მხარი დაუჭიროთ “ქართულ ოცნებას”,-განაცხადა კახა კალაძემ ბრიფინგზე.
კახა კალაძე მხარდამჭერებს არჩევნებზე მისვლისკენ მოუწოდებს
2017/10/20 12:47:06
კომენტარები
ნანახია: 1254 ჯერ