ცენტრალურ საარჩევნო კომისიაში ამომრჩეველთა აქტივობის შესახებ პირველი ბრიფინგი გაიმართა. ცესკოს სპიკერის ანა მიქელაძის განცხადებით, 10 საათისთვის ხმა 231 736-მა ამომრჩეველს ჰქონდა მიცემული, რაც ამომრჩეველთა 6.74%-ია.
ცესკოს მონაცემებით, ამომრჩეველთა ყველაზე მაღალი – 11.2%-იანი აქტივობა რაჭა ლეჩხუმშია, სადაც უკვე 3 903-მა ამომრჩეველმა მისცა ხმა. ყველაზე დაბალი აქტივობა კი შიდა ქართლშია, სადაც ხმა 13 686-მა ადამიანმა მისცა, რაც 5.8%-ია.
10:00-ის მდგომარეობით ქვეყანაში ამომრჩეველთა აქტივობა ასე გამოიყურება:
თბილისი – 6.3%, 59 424 ამომრჩეველი
გურია – 9%, 9 883 ამომრჩეველი
აჭარა – 6.5%, 20 083 ამომრჩეველი
იმერეთი – 7%, 37 580 ამომრჩეველი
კახეთი – 6.9%, 20 977 ამომრჩეველი
მცხეთა-მთიანეთი – 7.1%, 6 108 ამომრჩეველი
რაჭა ლეჩხუმი – 11.2%, 3 903 ამომრჩეველი
სამეგრელო ზემო სვანეთი – 7.2%, 24 584 ამომრჩეველი
სამცხე-ჯავახეთი – 7.8%, 11 325 ამომრჩეველი
ქვემო ქართლი – 6.2%, 24 183 ამომრჩეველი
შიდა ქართლი – 5.8%, 13 686 ამომრჩეველი
დღეს, 21 ოქტომბერს საქართველოში ადგილობრივი თვითმმართველობის არჩევნები იმართება. საქართველოს მოქალაქეები 64 საკრებულოს 2058 წევრს აირჩევენ. გარდა ამისა, თბილისსა და რეგიონებში, ქვეყანას 64 არჩეული მერი ეყოლება.
ცესკოს ინფორმაციით, მთელი ქვეყნის მასშტაბით, 73 საარჩევნო ოლქში, 3634 უბანი 08:00-ზე გაიხსნა. გარდა ამისა, პენიტენციურ დაწესებულებებში 10 სპეცუბანი იქნება.
2017 წლის 21 ოქტომბრის არჩევნებში, დარეგისტრირებულია 3 440 123 ამომრჩეველი. არჩევნებში მონაწილეობს 22 პოლიტიკური პარტია, 5 საარჩევნო ბლოკი და 1 საინიციატივო ჯგუფი.
ქალაქის ან მუნიციპალიტეტის მერი, ასევე საკრებულოები 4 წლის ვადით აირჩევა. მერის პოსტის დასაკავებლად, კანდიდატმა 50%-იანი ბარიერი უნდა გადალახოს. თუ ხმების საჭირო რაოდენობას ვერც ერთი კანდიდატი ვერ მოაგროვებს, არჩვნების მეორე ტური ჩაინიშნება.