“მაინც მოვიგებთ და შევძლებთ, რომ კალათბურთის ფედერაცია კალათბურთის განვითარებისთვის და კალათბურთელებისთვის მუშაობდეს”

საქართველოს კალათბურთის ფედერაციის პრეზიდენტობის კანდიდატი, შიო ხეცურიანი კალათბურთის ფედერაციაში ბოლო დროს განვითარებულ მოვლენებს ეხმაურება და სოციალურ ქსელში სტატუსს აქვეყნებს, რომელსაც უცვლელად გთავაზობთ:

„საქართველოს კალათბურთის ფედერაციის ხელმძღვანელთა ბოლო პერიოდის რამდენიმე მოქმედება:

კოტე ტუღუში საქართველოს ნაკრების მწვთნელობიდან მოხსნეს – მიზეზი: შიო ხეცურიანთან მეგობრობა
ბუბა ბერიშვილი, მთავარი შემოქმედი 16 წლამდელთა ნაკრების ბ დივიზიონიდან ა დივიზიონში გადაყვანის, 16 წლამდელთა მწვრთნელი აღარ არის და იქნება თუ არა რომელიმე ასაკობრივის მწვრთნელი, არ იცის – მიზეზი: შიო ხეცურიანთან მეგობრობა.
არაერთი იაფფასიანი მცდელობა ზაზა ფაჩულიას დისკრედიტაციის- მიზეზი: შიო ხეცურიანთან მეგობრობა,
ქუთაისის კლუბს თასის მოგების კუთვნილი 50,000 ლარი არ მისცეს- მიზეზი: შიო ხეცურიანის მხარდაჭერა,
შიდა ქართლის კალათბურის განვითარების კავშირის რამდენიმე წარმომადგენელზე ფსიქოლოგიური ზეწოლა – მიზეზი: შიო ხეცურიანის მხარდაჭერა.
პ.ს. დღეს კალათბურთის ფედერაციაში გამგეობის სხდომაა და ზემოთ ჩამოთვლილი საქციელის ჩამდენმა ადამიანებმა უნდა დაადგინონ არჩევნებში მონაწილე დელეგატები და მათი ხმების წილობრივი წონა…. მაინც მოვიგებთ და შევძლებთ, რომ კალათბურთის ფედერაცია კალათბურთის განვითარებისთვის და კალათბურთელებისთვის მუშაობდეს და არა ერთეული პიროვნებების კეთილდღეობისთვის“, – წერს შიო ხეცურიანი.