ჟურნალისტი, საინფორმაციო სააგენტო “ექსკლუზივ ნიუსის” რედაქტორი დარეჯან ლიპარტელიანი სოციალურ ქსელში პოსტს აქვეყნებს და იმ ფოტოებს ავრცელებს, რომელიც მას ბორჯომის ხეობიდან მიაწოდეს.
“სასწრაფოდ: ქართველებო, სამშობლო განსაცდელშია!!!
ბორჯომის ხეობას მიწასთან გასწორება და განადგურება ემუქრება… ამას ცხადყოფს ის რომ, ხეობაში ჩასულია, ერთ-ერთი ტიტანური ძალისა და შესაძლებლობის მქონე ადამიანი, რომელმაც ახლახანს, თავის მრავალრიცხოვანი დესანტი გადმოსხა ხეობაში!…
ბორჯომის ხეობა დახმარებას ითხოვს! – გაგვათავისუფლეთ ამ არაადამიანური ძალის მქონე არსებისგან, ძალიან გთხოვთ, დაგვეხმარეთ!
შეგახსენებთ, რომ ფოტოზე გამოსახულმა “ტიტანმა” – ელისო კილაძემ, გუშინ გვითხრა, რომ “ხვალ „ქრონიკა+”-ის საგანგებო დესანტი სწორედ ბორჯომში მიდის”-ო…. ხოდა ჩამოვიდა!..
ბორჯომელებმაც ეს “უამრავი დესანტი” გადაიღეს ფოტოზე, დააფორვარდეს და მე შემევედრნენ, არიქა გვიშველე, თორემ გაგვასწორა მიწასთან ურიცხვმა “დესანტმაო”… ისე, მართლა…მაინც რამდენი შეკრებილხართ აა?
ქუცნაშვილ-მეჭიაურის სალაღობო და არგასახარებელი ლექსიკონისა არ იყოს, – შე მართლა წარაკუა, თუ მეტი არაფრის თავი არ გქონდა, ცოტა ადრე ვერ თქვი? ათჯერ მეტნი ვართ ოჯახში, ჩვენ ლიპარტელიანები, ღმერთმა გვამრავლოს და წაგიკრავდით პაწა ხელს.
ვაი თქვენს პატრონს, მართლა თქვენი იმედი აქვს “პატრიოტთა ალიანსს”??… მაგრად კი გამაცინეთ.
მადლობა ბორჯომლებო, კარგი ფოტოებია, სახალისო.
ნამდვილი ბომონძღი ბორჯომშიაა”, – წერს დარეჯან ლიპარტელიანი.
