უკრაინის პარლამენტის შენობასთან პოლიციელებსა და დემონსტრანტებს შორის შეტაკება მოხდა. აქცია დონბასის რეინტეგრაციის შესახებ კანონპროექტის მოწინააღმდეგეებმა გამართეს, რომლებმაც საკანონმდებლო ორგანოს წინ, რუსეთის დროშა და საბურავები დაწვეს.
ვითარება აქციაზე სამართალდამცველთა გამოჩენის შემდეგ დაიძაბა. პოლიციელებმა ალმოდებულ ნივთებზე ცეცხლის ჩაქრობა სცადეს, დემონსტრანტებმა კი მათ წინააღმდეგ ცრემლსადენი გაზი გამოიყენეს. დაშავდა ერთი პოლიციელი. ერთი მომიტინგე კი დააკავეს.
საკანონმდებლო ორგანოსთან ამ დროისთვის 3.800 პოლიციელია მობილიზებული.
კომენტარები