ავღანელმა ძალოვნებმა ქაბულში Intercontinental Hotel-ზე თავდამსხმელი „ბოევიკები“ გაანადგურეს. სასტუმროს ბინადრები და პერსონალი გათავისუფლებულია. ამის შესახებ სააგენტო Agence France Presse იუწყება.
„ოპერაცია დასრულდა. ყველა თავდამსხმელი ლიკვიდირებულია. სასტუმროს 126 ბინადარი და პერსონალი გათავისუფლებული არიან“, – განაცხადა ავღანეთის შს სამინისტროს წარმომადგენელმა ნაჯიბ დანიშმა.
ავღანური სააგენტო Pajhwok-ის ინფორმაციით, ოპერაციის შედეგად სამი „ბოევიკი“ გაანადგურეს.
გუშინ საღამოს შეიარაღებული პირების ჯგუფი ავღანეთის დედაქალაქ ქაბულში თავს დაესხა სასტუმრო Intercontinental Hotel-ს. თავდასხმის შედეგად ხუთი ადამიანი დაიღუპა, ხოლო ექვსი დაშავდა.
კომენტარები