ინდოეთში 8 თვის ბავშვი გააუპატიურეს. ძალადობაში ბრალდებული მისი 28 წლის ბიძაშვილია, რომელიც პოლიციამ უკვე დააკავა. ინფორმაციას BBC ავრცელებს.
8 თვის გოგონა საავადმყოფოშია გადაყვანილი, მისი ჯანმრთელობის მდგომარეობა კრიტიკულია.
„ქალთა კომისიის“ თავმჯდომარემ დაზარალებული ჩვილი საავადმყოფოში მოინახულა და განაცხადა, რომ ის „საშინელ“ მდგომარეობაშია, მისი თქმით „გოგონა საავადმყოფოში ინტენსიური ზრუნვის ქვეშ იმყოფება, შინაგანი ორგანოები კი საშინლად დაზიანებული აქვს“.
ადგილობრივი მედიის ინფორმაციით, ინციდენტი კვირას მოხდა, თუმცა მედიისთვის, ფაქტის შესახებ, ცნობილი ორშაბათს გახდა.
მსგავსი საზარელი შემთხვევა 2016 წელსაც მოხდა, როდესაც მეზობელმა დედის გვერდით მწოლიარე 11 თვის ბავშვი გაიტაცა და გააუპატიურა, 2015 წელს კი გაუპატიურების მსხვერპლი 3 თვის ჩვილი გახდა.